იური ვაზაგაშვილის ოჯახის ადვოკატის ირმა ჭკადუას ინფორმაციით, პროკურატურა ამ დრომდე მუშაობს იმ პირის დასადგენად თუ ვის ეკუთვნის სასაფლაოზე აღმოჩენილი კიდევ ერთი დნმ-ის კვალი.

მისი თქმით, საგამოძიებო უწყებას ჰყავს ბევრი მოწმე, მათ შორის შინაგან საქმეთა სამინისტროს წარმომადგენლები.

„ამ წუთისთვის არის დაუდგენელი პირი, თუმცა არსებობს ოპერატიული ინფორმაცია და მასალა. სავარაუდოდ, ამ დნმ-ის მეპატრონის დასადგენას ბევრი ადამიანია დაკითხული. ეს მომწეები არიან როგორც შინაგან საქმეთა სამინისტროდან, ისე სამოქალაქო პირები. არსებობს ბევრი მასალა, რაც გამოძიებას შემკვეთამდე მიიყვანს“, - განაცხადა ჭკადუამ.

რამდენიმე კვირის წინ მთავარი პროკურორის მოადგილემ ირაკლი შოთაძემ განაცხადა, რომ ყარაფილაში მომხდარი აფეთქების ადგილას აღმოჩენილია სხვა პირის დნმ-ის კვალი.

შეგახსენებთ, ამავე საქმეზე უკვე დაკავებულია გია სოსანაშვილი. თუმცა დაცვის მხარე ბრალდებას უარყობს და ამბობს, რომ ბრალდების მხარემ დნმ-ის ანალიზი გააყალბა.

ნინი კაციტაძე