უკრაინის შინაგან საქმეთა სამინისტრომ, გუშინ ოდესაში მომდარ აფეთქებას, ტერაქტის კვალიფიკაცია მიანიჭა.

ამის შესახებ განცხადება სამინისტროს ოფიციალურ ვებ გვერდზე გამოქვეყნდა.

აფეთქება, გუშინ კობლევსკაიას ქუჩის 40 ნომერში, სამსართულიანი საცხოვრებელი სახლის პირველ სართულზე მოხდა, სადაც "მემარჯვენე სექტორის" ოფისი მდებარეობს.
ასაფეთქებელი მოწყობილობა, ადგილობრივი დროით დაახლოებით 00:30 საათზე გააქტიურდა. შემთხვევას მხვერპლი არ მოჰყოლია. აფეთქების შედეგად დაზიანდა ოფისისთან მდებარე საცხოვრებელი ბინა და იქვე მდგარი ავტომობილი. შემთხვევის ადგილზე ამ დროისთვის, სამართალდამცავები მუშაობენ.

მომხდართან დაკავშირებით გამოძიება დაწყებულია.

ხატია ლაღიძე