უკრაინის სახელმწიფოს მეთაურის პრეს-სამსახურის ცნობით, პოროშენკომ აღნიშნა რომ უკრაინელი ხალხის მეხსიერებაში ნემცოვი დარჩება ადამიანად, რომლისთვისაც თავისუფლება უნივერსალური ღირებულება იყო ყველანაირი სახელმწიფო თუ სხვა საზღვრების მიუხედვად.
„ჩვენთვის, უკრაინელებისთვის ბორისი მუდამ დარჩება რუსეთის პატრიოტად და უკრაინის მეგობრად. მან თავისი ცხოვრებით აჩვენა რომ ეს შესაძლებელია- უბრალოდ უნდა მოინდომო“- განაცხადა უკრაინის პრეზიდენტმა.
პოროშენკომ აღნიშნა, რომ ნემცოვი უკრაინის და რუსეთის თავისუფლებისთვის იბრძოდა, რადგან მიაჩნდა, რომ უკრაინის თავისუფლების გარეშე ვერ იარსებებდა ვერც თავისუფალი რუსეთი „ჩვენი და თქვენი თავისუფლებისთვის“- ეს ისტორიული ლოზუნგი გახდა ბორის ნემცოვის ცხოვრებისეული დევიზი. ამიტომ მე გადავწყვიტე ის სწორედ თავისუფლების ორდენით დავაჯილდოვო“- განაცხადა პოროშენკომ.
ნინო ზედგენიძე
მასალის გამოყენების პირობები






