დუშეთის რაიონში ახალგაზრდა გოგონა სავარაუდოდ, ნარკოტიკული საშუალების, "ბიოს" მიღების შედეგად გარდაიცვალა. როგორც ცნობილია, 14 წლის გოგონა 2 თებერვალს სამედიცინო დაწესებულებაში უგონო მდგომარეობაში მიიყვანეს. ამ ხნის განმავლობაში გოგონა კომაში იმყოფებოდა, 27 თებერვალს კი გარდაიცვალა.

ადგილობრივების ინფორმაციით, სასწრაფოს გამოძახების დროს ახალგაზრდას ჯიბეში თეთრი ნივთიერება აღმოაჩნდა. როგორ ისინი ჰყვებიან ამავე ნარკოტიკული საშუალებით გასულ თვეში ახალგაზრდა ბიჭი გარდაიცვალა. როგორც ცნობილია გარდაცვლილები შეყვარებულები იყვნენ.

ვრცელდება ასევე ვერსიები, რომ გოგონამ შეყვარებულის გარდაცვალების გამო თვითმკვლელობის მიზნით წამლები დალია.

როგორც „ნიუპოსტს“ შინაგან საქმეთა სამინისტროში განუცხადეს, მომხდართან დაკავშირებით დაგეგმილია ექსპერტიზა, რაც გოგონას გარდაცვალების მიზეზს დაადგენს.

ფაქტზე გამოძიება 115-ე, თვითმკვლელობამდე მიყვანის მუხლით მიმდინარეობს.

ნინო დათაშვილი