საქართველოს მესამე პრეზიდენტიმა, ამჟამად უკრაინის პრეზიდენტის, პეტრო პოროშენკოს მრჩეველმა მიხეილ სააკაშვილმა განაცხადა, რომ აშშ-ის მიერ უკრაინისთვის იარაღის გადაცემის საკითხზე გადაწყვეტილება 99 %-ით მზად არის.

ამის შესახებ სააკაშვილმა „მეხუთე არხის“ ეთერში ისაუბრა.

„მთავარი, რის მიღწევასაც აშშ-ში ვცდილობთ - უკრაინის თავდაცვითი იარაღის მომარაგებაა. პრაქტიკულად ყველა, მათ შორის საზოგადოებრივი აზრიც ჩვენ მხარესაა. უკრაინისთვის იარაღის გადაცემა, ძლიერი სიგნალი იქნება ათასობით ადამიანის სიცოცხლის გადასარჩენად. უკრაინის მთავრობას უსაფრთხოების დასაცავად, თავდაცვის გაძლიერება სჭირდება“ - განაცხადა სააკაშვილმა.

მისივე თქმით, აშშ-ის მიერ უკრაინის თავდაცვითი იარაღით მომარაგების გადაწყვეტილება 99%-ით მზად არის, თუმცა „არ ვიცი, გადამწყვეტი და ყველაზე მნიშვნელოვანი პროცენტის მიღება როდის მოხდება“ - აღნიშნა მიხეილ სააკაშვილმა და დასძინა, რომ იმედოვნებს ეს მალე მოხდება, რადგან უკრაინას ძალიან ცოტა დრო აქვს.

ხატია ლაღიძე