ახალი მოდელის სმარტფონები პლანშეტურ კომპიუტერებს ჩაგრავენ

ეს საინტერესოა - 19:00, 01 Mar, 2015

1347

samsung-ის, iphone-ისა და მობილური ტელეფონების სხვა მწარმოებლების მიერ ახალი მოდელის სმარტფონების გამოშვებამ საკმაოდ შეამცირა მსოფლიოში პლანშეტური კომპიუტერების მიმართ ინტერესი. არც არის გასაკვირი, ფაქტობრივად ამ ორ მოწყობილობას შორის განსხვავება ქრება - საგრძნობლად გაიზარდა ახალი სმარტფონების ეკრანის ზომა, მათი პროგრამული უზრუნველყოფა არაფრით ჩამოუვარდება პლანშეტებს, მათ აქვთ უკეთესი ფოტო-ვიდეო კამერები, უფრო მძლავრი კვების ელემენტები. არსებობს კიდევ ერთი მინუსი - პლანშეტების დიდ უმრავლესობას არ აქვს ტელეფონის ფუნქცია - მათ არ აქვთ Sim-ბარათის ჩასადები ბუდე.

ყოველივე ამის გამო, როგორც სტატისტიკური მონაცემებით ირკვევა, პლანშეტები 2014 წელს 2013 წელთან შედარებით 12-15 პროცენტით ნაკლები გაიყიდა, ხოლო მობილური ტელეფონების გაყიდვა აშკარად არის გაზრდილი. ჩაანაცვლებს თუ არა სმარტფონები პლანშეტებს ამას უახლოესი მომავალი გვიჩვენებს. მომავალ კვირას ბარსელონაში გაიმართება მობილური ტექნოლოგიების მსოფლიო კონგრესი MWC, სადაც, როგორც ვარაუდობენ მწარმოებლები სხვა საკითხების განხილვასთან ერთად, იმსჯელებენ, თუ როგორ გაზარდონ მომხმარებელთა იუნტერესი პლანშეტების მიმართ.

თუმცა, მიუხედავად პრობლემებისა, გამოიკვეთა პლანშეტური კომპიუტერების განვითარების ახალი ტენდენციებიც. მობილური ტელეფონის არ იყოს, თანდათან იზრდება პლანშეტების ეკრანის ზომებიც. ისინი ნელნელა პორტატული პერსონალური კომპიუტერის ზომებს უახლოვდება, ამასთან არის გაცილებით მსუბუქი და თხელი. Microsoft-მა გამოუშვა პლანშეტი, რომლის ეკრანის ზომა 30,5 სმ-ა, დიდეკრანიანი პლანშეტების გამოშვებას აპირებს Samsung და Apple-იც. პლანშეტი. უფრო და უფრო მოსახერხებელი ხდება პლანშეტის პროგრამული უზრუნველყოფაც, შესაძლებბელია ერთ ეკრანზე ორი სხვადასხვა პროგრამა გქონდეს გაშვებული - მაგალითად სტუდენტს შეუძლია ერთდროულად გახსნას სამუშაო დოკუმენტიც და სახელმძღვანელოც. მსხვილი კომპანიები უკვე ამუშავებენ პლანშეტებისათვის ბიზნესპროგრამებს. ყოველივე ამის გამო პლანშეტები უფრო ფართოდ გამოიყენება სამუშაო ადგილას, განსაკუთრებით კორპორატიულ სამყაროში.

"პლანშეტი არ გაქრება მოხმარებიდან, ის ეცდება კონკურენცია გაუწიოს პერსონალურ კომპიუტერს, განსაკუთრებით ნოუთბუქს, თუმცა, უნდა აღინიშნოს, რომ ადრინდელ პოპულარობას ის ვეღარ შეინარჩუნებს და მობილურ სმარტფონს ნელნელა დაუთმობს ადგილს," - აცხადებენ ექსპერტები.