რომელსაც ტრანსპორტის საქალაქო სამსახურის ხელმძღვანელობას წარუდგენენ. გაფიცულ მძღოლებთან დღეს ,,თბილისის მიკროავტობუსის’’ დირექტორის მოადგილეც იმყოფებოდა, რომელიც მძღოლებს დაპირდა, რომ მოთხოვნებს დედაქალაქის მერიას წარუდგენს. იმ შემთხვევაში, თუ მოთხოვნები დაკმაყოფილდა, მძღოლები ხვალიდან გაფიცვას შეწყვეტენ.

,,ის საკითხები,რომელიც პრაქტიკულად ჩვენი გადასაწყვეტი არ არის, ამაზე მერიაში უნდა ვისაუბროთ, იქ საუბარია ხაზებში ცვლილებებზე, რომელიც მიმართულებებს და მარშრუტებს ეხება. ეს ჩვენს კომპეტენციას აღემატება. შეთანხმება, რომელიც გუშინ შედგა, მძღოლებისთვის მისაღებია, მაგრამ დამატებითი პირობები აქვთ, რომელიც ჩვენს კომპეტენციას სცდება’’ - განაცხადა ,,თბილისის მიკროავტობუსის’’ დირექტორის მოადგილემ დავით ასანიძემ.

,,კომპანიასთან ერთად რაღაც საკითხები გადავწყვიტეთ, დარჩენილია დეტალები და მერიასთან ერთად გადავწვეტთ, ჩვენც გარკვეულ დათმობებზე მივდივართ, რომ ხვალ დილისთვის მივაღწიოთ იმას, რაც თბილისის მოსახლეობისვის და ჩვენთვის კარგი იქნება’’ - განაცხადა აქციის ერთ-ერთმა მონაწილე მიკროავტობუსის მძღოლმა.

შეგახსენებთ, რომ უკვე მე-7 დღეა თბილისის ქუჩებში ყვითელი მიკროავტობუსები არ მოძრაობენ.