ბორის ნეცოვის მკვლელობის ადგილზე ხალხის ნაკადი არ წყედება

მსოფლიო - 13:15, 01 Mar, 2015

711

ბორის ნემცოვის პატივის მისაგებად, სამგლოვიარო მსვლელობა 15:00 საათზე დაიწყება. ამ დროისთვის უსაფრთხოების წესები უკვე გამკაცრებულია. რუსეთს შს სამინისტროს შესაბამისი სამსახურის განცხადებით, სამგლოვირაო მარშისთვის ტრანსპორტის მოძრაობა შეიზღუდება, მათ შორის საზოგადოებრივი ტრანსპორტის გადაადგილებაც.

მოსკოვში იმ ადგილზე, სადაც რუსი ოპოზიციონერი პოლიტიკოსი ბორის ნემცოვი მოკლეს, ხალხის ნაკადი არ წყდება. ინისი ამბობენ, რომ ნემცოვის მკვლელობა იყო პოლიტიკური შეკვეთა.

ნემცოვის მკვლელობის ადგილზე იმყოფება მისი მეგობარი და უკრაინელი მფრინავის, ნადეჟდა საბჩენკოს ადვოკატი მარკ ფეიგენი. ის ამბობს, რომ ნემცოვის მკვლელობა იყო შეკვეთილი და ეს ფაქტი პოლიტიკური მიზნებიდან გამომდინარე მოხდა.

"არავითარი ეჭვი არ მაქვს, რომ ეს მკვლელობა პოლიტიკურია და შეკვეთილი. ყველა შემოგდებული ვერსია ცოლ-ქმრული და კომერციული შინაარსისაა, უკავშირებვენ პირად საკითხებს, ეს ყველაფერი სისულელეა. ნემცოვი იყო ადამიანი, რომელიც არაფერს მალავდა. ის, რომ ადამიანებმა მას 7-ჯერ ესროლეს მანქანიდან კრემლთან ახლოს, აქ არ ჩანს აშკარა კრიმინალური საფუძველი. ეს უდიდესი რისკია იმ ადამიანებისთვის ვინც ეს ჩაიდინა, ამიტომ ამაზე წასვლა შესაძლებელია მხოლოდ ხელისუფლების იდეოლოგიური მოტივებით, ან სხვა მოტივებით, რომლებიც ამ ადამიანებს შთააგონეს. ვფიქრობ გამოძიების იმიტაცია იქნება, მაგრამ დამნაშავეს ვერ მოძებნიან და ნამდვილ საფუძველს ვერ დაადგენენ. აქაც იგივე ხელწერაა, როგორიც პოლიტკოვსკაიას მკვლელობის დროს იყო. ამიტომ არ მჯერა სწრაფი და ობიექტური გამოძიების,"- აცხადებს მარკ ფეიგენი.