23 თებერვალს, შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს ვეტერინარის მიერ, ვეტერინარული კონტროლის მონიტორინგის გეგმის თანახმად, სომხეთიდან იმპორტირებულ თურქული წარმოშობის „ქათმის გაყინული მექანიკურად განცალკევებული ხორციდან“ აღებულ ნიმუშში ლაბორატორიულად დადასტურდა „პათოგენები, მათ შორის, სალმონელები“, რაც დაუშვებელია.

ინფორმაცია, შესაბამისი ღონისძიებების გატარების მიზნით,მიეწოდა სსიპ სურსათის ეროვნულ სააგენტოს.

საქართველოს კანონმდებლობის თანახმად, მავნებელი სურსათი განადგურებას ან უკან, ექსპორტიორ ქვეყანაში გაბრუნებას ექვემდებარება.

ლაშა ჯაფარიძე