სახლის რომელ ნაწილში ჩხუბობენ წყვილები ყველაზე ხშირად

ეს საინტერესოა - 21:47, 26 Feb, 2015

4398

ნებისმიერი წყვილის ცხოვრებაში ხდება კამათი და ჩხუბი. ამისგან ყველაზე მოსიყვარულე წყვილებიც კი არ არიან დაცულნი. საინტერესოა, სახლის რომელ ნაწილში ჩხუბობენ წყვილები ყველაზე ხშირად? ამერიკელმა მეცნიერებმა ამის დასადგენად სპეციალური კვლევა ჩაატარეს.

2000 ქალისა და მამაკაცის გამოკითხვის შედეგად გაირკვა, რომ ყველაზე ხშირად წყვილები ჩხუბს სააბაზანოში ამჯობინებენ. სააბაზანოს შემდეგ, მეორე ადგილს სამზარეულო, მესამეს კი საძინებელი ოთახი იკავებს.

მეცნიერების განმარტებით, კამათის უმეტესი შემთხვევები დილაობით ხდება. დილაობით ყველას ეჩქარება და სწორედ ამიტომ ყველაზე ხშირად წყვილს სააბაზანოში უწევთ ჩხუბი. წყვილების თქმით, სააბაზანოში ჩხუბის მიზეზი ძალიან ბევრია. მაგალითად: გახსნილი კბილის პასტა, თავდაუხურავი უნიტაზი, ცუდად დაკეცილი პირსახოცი, იატაკზე დაღვრილი წყალი და ა.შ.

გერმანელი მეცნიერები კი ირწმუნებიან, რომ ოჯახური კამათის გამო განცდა არ ღირს, რადგან კამათი ჯანმრთელობისთვის სასარგებლოა. მეცნიერების განმარტებით, დეპრესიისა და დაავადების რისკი იმ ადამიანებში 25%-ით მაღალია, რომლებიც ყველა წყენას საკუთარ თავში ინახავენ და მას არ გამოხატავენ.