ეკონომიკის სამინისტროსთან გამართულ საპროტესტო აქციაზე დაკავებულ პირებს შორის არასამთავრობო ორგანიზაცია „მედიატორის“ დამფუძნებელი ლევან ხაბეიშვილიც აღმოჩნდა.

აქციის ერთ-ერთი მონაწილის, გურამ მღებრიშვილის თქმით, აქციაზე მყოფთა დაკავება მაშინ მოხდა, როდესაც ისინი სამინისტროში შესვლას აპირებდნენ, რათა უწყების კანცელარიაში წერილი შეეტანათ.

"აქ მოსულები ვიყავით სოციალურად დაუცველები და დევნილები კარდიოლოგიური კლინიკიდან და რკინიგზის საავადმყოფოდან. მოხდა ინციდენტი, პატრულმა გადაგვიკეტა სამინისტროში შესასვლელი კარი და შიგნით არ გვიშვებდა. ჩვენ გვინდოდა, განცხადებით მიგვემართა სამინისტროსთვის, რათა გაჭირვებული ხალხისთვის გაეცათ პასუხი", - აღნიშნა მღებრიშვილმა.

ამ დროისთვის საპროტესტო აქცია ეკონომიკის სამინისტროსთან დასრულებულია.

ნოე რამიშვილი