თბილისის ყოფილი მერი ვარაუდობს, რომ მას ახალ ბრალს წაუყენებენ. როგორც დღევანდელ სასამართლო პროცესზე გიგი უგულავამ განაცხადა, პროკურატურამ ამ მიმართულებით მუშაობა უკვე დაიწყო.

„აქტიურად დაიწყო მუშაობა ფინანსურმა პოლიციამ და პროკურატურამ რომ კიდევ ერთი ბრალი წარმიდგინონ. ყველას დაწიოკება დაიწყო, ვისიც კი შეიძლებოდა. ამათ კონსტიტუციის ნორმას ისე ესმით, როგორც უნდათ. ამათი ლოგიკით მთელი ცხოვრება ციხეში უნდა ვიყო. ბატონო მოსამართლე, თქვენც ამის მონაწილე იქნებით. ვინც არ უნდა იყოს მოსამართლე, პროკურატურის შუამდგომლობას, რომ დამაპატიმრონ მაინც დააკმაყოფილებს. ჩემი დაპატიმრება პოლიტიკურია, შესაბამისად გათავისუფლების საკითხიც პოლიტიკურია. პროკურატურა ივანიშვილის დავალებით ემზადება იმისთვის, რომ კონსტიტუცია გააუპატიუროს“, - განაცხადა უგულავამ.

დღევანდელ პროცესზე უკანონო შემოსავლების ლეგალიზების საქმეზე მსჯელობენ. შეგახსენებთ, აღნიშნულ საქმეზე სასამართლომ უგულავას ქვისლი გიორგი ღონიაშვილი დარბაზიდან გაათავისუფლა.