თბილისის ყოფილი მერის გიგი უგულავას ქვისლი გიორგი ღონიაშვილი სასამართლომ დარბაზიდან გაათავისუფლა. გადაწყვეტილება რამდენიმე წუთის წინ გამოცხადდა.

მას წინასწარი პატიმრობის ვადა 3 მარტს ეწურებოდა. ბრალდების მხარემ 10 ათას ლარიანი გირაო მოითხოვა იმ მოტივით, რომ არსებითი განხილვის ჩანიშვნა 3 მარტამდე ვერ მოესწრებოდა. სასამართლომ მათი შუამდგომლობა არ დააკმაყოფილა.

სასამართლოში ამ დრომდე გრძელდება გიგი უგულავას სასამართლო პროცესი თანხების ლეგალიზებისა და მარნეულის ეპიზოდთან დაკავშირებით.