კანადის პრემიერ-მინისტრის, ჯეისონ კენნის განცხადებით, მისი ქვეყანა შესაძლოა უკრაინას სამხედრო ექსპერტებით დაეხმაროს.

„ამერიკის შეერთებული შტატებისა და ბრიტანეთის მსაგვსად, რუსეთის მიერ მხარდაჭერილი ბოევიკების წინააღმდეგ უკრაინის დასახმარებლად, სამხედრო ექსპერტები შესაძლოა ჩვენც გავგზავნოთ“ - განაცხადა კანადის პრემიერმა.

მისი თქმით, ამ სცენარის განხორციელების შემთხვევაში, კანადელი სამხედრო მრჩეველები უკრაინულ არმიას პერსონალის გაუმჯობესებაში, კონფლიქტის ზონის გარეთ დაეხმარება.

შეგახსენებთ, დღეს დილით დიდი ბრიტანეთის პრემიერ-მინისტრმა, დევიდ კემერონმა განაცხადა, რომ დიდი ბრიტანეთი უკრაინაში სამხედრო ექსპერტებს გააგზავნის, რომლებიც არმიას პერსონალის გადამზადებაში დაეხმარება, თუმცა ეს „კონფლიქტის ზონიდან შორს“ მოხდება.

ხატია ლაღიძე