საფრანგეთის საგარეო საქმეთა მინისტრის, ლორან ფაბიუსის განცხადებით, მარიუპოლზე თავდასხმის შემთხვევაში, რუსეთის წინააღმდეგ არსებულ საქნციებთან დაკავშირებით, სიტუაცია შეიცვლება.

„რუსებს ნათლად მივანიშნეთ, რომ სეპარატისტების მიერ მარიუპოლზე თავდასხმის შემთხვევაში, სანქციებთან დაკავშირებული ვითარება მთლიანად შეიცვლება“ - განაცხადა ფაბიუსმა.

ამავდროულად, საფრანგეთის საგარეო საქმეთა მინისტრმა აღნიშნა, რომ უკრაინაში ფრანგი სამხედრო ექსპერტების გაგზავნა გამორიცხულია.

მისი თქმით, დიდი ბრიტანეთი, რომელიც დისკუსიის მხარეს არ წარმოადგენს, ძალიან მკაცრ პოზიციას აფიქსირებს.

„ჩვენც ძალიან მტკიცე პოზიცია გვაქვს, თუმცა კონფლიქტის დეესკალაციას ვცდილობთ“ - აღნიშნა ფაბიუსმა.

შეგახსენებთ, დღეს დილით, დიდი ბრიტანეთის პრემიერ-მინისტრმა დევიდ კემერონმა განაცხადა, რომ ბრიტანეთი უკრაინაში სამხედრო ექსპერტებს გაგზავნის, რომლებიც არმიას პერსონალის გადამზადებაში დაეხმარება, თუმცა ეს „კონფლიქტის ზონიდან შორს“ მოხდება.

ხატია ლაღიძე