პოლონეთის საგარეო საქმეთა მინისტრის, გჟეგ სტეხინის განცხადებით, რუსეთის წინააღმდეგ ახალი სანქციების პაკეტი მზად უნდა იყოს და და მარიუპოლზე თავდასხმის შემთხვევაში, ავტომატურად უნდა ამოქმედდეს.

„ახალი სანქციების პროექტი უკვე მაგიდაზე უნდა იდოს. რუსეთი უნდა მიხვდეს, რომ თუკი მარიუპოლზე იერიშს მიიტანს, ეს სანქციები ავტომატურად ამოქმედდება“ - განაცხადა სხეტინმა ერთერთი პოლონური არხის ეთერში.

მისი თქმით, შეზღუდვები საერთაშორისო საბანკო გადარიცხვებს, ნახშირის ექსპორტზე ემბარგოს დაწესებასა და სხვა მნიშვნელოვან სფეროებს უნდა შეეხოს.

„ჩვენ ვიცით, რისი გაკეთება შეგვიძლია“ - აღნიშნა მინისტრმა.

მისივე თქმით, თუკი მარიუპოლზე შეტევა განხორციელდება, „ევროპულ და მსოფლიო პოლიტიკაში, რუსეთთან მიმართებით ბევრი რამ შეიცვლება.“

ხატია ლაღიძე