ევროზონამ, საბერძნეთის მიერ წარდგენილი ეკონომიკური რეფორმების სია დაამტკიცა.

საერთაშორისო კრედიტორებსა და ევროზონის ქვეყნებს, საბერძნეთმა ქვეყნის ეკონომიკის გასაუმჯობესებლად განსახორციელებელი რეფორმების სია დღეს წარუდგინა.

შეგახსენებთ, გასულ პარასკევს, ათენმა ევროჯგუფთან საგარეო ვალთან დაკავშირებით შეთანხმებას მიაღწია.

ევროზონის ქვეყნების ფინანსთა მინისტრები და საბერძნეთი შეთანხმდნენ, რომ ათენს ფინანსური დამხარების პროგრამა 4 თვით გაუგრძელდეს.

საბერძნეთმა თავის მხრივ, სტრუქტურული რეფორმების გატარების პირობა დადო. შეთანხმების თანახმად, ათენს ეკონომიკური რეფორმების პაკეტის შემუშავება დაევალა.

ევროჯგუფის დახმარების სანაცვლოდ, საბერძნეთს კორუფციის წინააღმდეგ ბრძოლა და ფისკალური პოლიტიკის გამკაცრება მოუწევს.

საბერძნეთის საგარეო ვალმა 300 მილიარდ ევროს გადააჭარბა. საბერძნეთის ახალი პრემიერ-მინისტრი, ალექსის ციპრასი ევროკავშირის მკაცრ პოლიტიკას აპროტესტებდა და ვალების რესტრუქტურიზაციას ითხოვდა, რის გამოც ათენს ევროზონის დატოვების საფრთხე ემუქრებოდა.

ეკონომიკისა და ფინანსურ საკითებში ევროკავშირის უმაღლესი კომისრის განცხადებით, მიღწეული შეთანხმებით საბერძნეთმა გარდაუვალ ეკონომიკურ კრიზის თავი დააღწია.

ხატია ლაღიძე