უკრაინა და არაბთა გაერთიანებული საამიროები იარაღისა და სამხედრო ტექნიკის მიწოდების სფეროში თანამშრომლობაზე შეთანხმდნენ.

ამის შესახებ განცხადება, უკრაინის სახალხო დეპუტატმა, შინაგან საქმეთა მინისტრის მჩეველმა, ანტონ გერაშენკომ „ფეისბუკის“ გვერდზე დაწერა.

მისი თქმით, პეტრო პოროშენკო აბუ დაბის პრინცსა და სამხედრო მაღალჩინოსნებს შეხვდა.

„შეხვედრის შედეგად შეთანხმდენ, რომ უკრაინისთვის იარაღის მიწოდების საკითხში უკრაინა და არაბთა გაერთიანებული საამიროები აქტიურად ითანამშრომლებენ და ქვეყანას გარკვეული სახის იარაღით დაეხმარებიან. უკრაინისთვის იარაღის გადაცემის შემთხვევაში, მესამე მსოფლიო ომის დაწყების შესახებ პუტინის მუქარის , არაბებს არ ეშინიათ. არ ეშინიათ, განსხვავებით ამერიკელებისა და ევროპელებისაგან“ - წერს გერაშენკო.

უკრაინის ხელისუფლება დიდი ხანია თავდაცვითი იარაღის მიწოდებასა და უსაფრთხოების სფეროში დახმარებას ითხოვს.

აშშ-ს სახელმწიფო მდივნის, ჯონ კერის განცხადებით, ამერიკის პრეზიდენტი უკრაინის შეიარაღებასთან დაკავშირებით,გადაწყვეტილებას რამდნიმე დღეში მიიღებს.