რუსეთის ტერიტორიიდან უკრაინის მიმართულებით ცოცხალი ძალისა და სამხედრო ტექნიკის გადაადგილება გრძელდება.

ამის შესახებ, უკრაინის სამხედრო-კვლევითი ცენტრის ხელმძღვანელისა და ჯგუფ „საინფორმაციო წინააღმდეგობის“ ლიდერი, დიმიტრი ტიმჩუკი „ფეისბუკის“ საკუთარ გვერდზე წერს.

„გასული დღე-ღამის განმავლობაში, რუსეთის ტერიტორიიდან უკრაინის საზღვარი მინიმუმ სამმა სამხედრო კოლონამ გადმოკვეთა“ -წერს ტიმჩუკი.

მისი თქმით, აქტიურად მიმდინარეობს „ბოევიკების“ სამხედრო ძალის გაძლიერება.

ტიმჩუკის განცხადებით, ამ წუთებში „ბოევიკები“ ძალების მობილიზებას იასინოვატის მიმართულებით ახორციელებენ. მისივე თქმით, 35 ერთეული ჯავშავმანქანა და ცოცხალი ძალა ენაკიევოს რაიონისკენ მიემართება, რასაც იასინოვატის დასახლებაზე თავდახმა შეიძლება მოჰყვეს.

"ბოევიკები" მთელი ღამის განმავლობაში ბომბავდნენ უკრაინული ძალების პოზიციებსა და დასახლებებს. შიროკინოში, გასული 24 საათის განმავლობაში, სეპარატისტებმა უკრაინული სამხედროების პოზიციები რამდენჯერმე დაბომბეს, ლუგანსკის სხვადასხვა დასახლებაზე კი იერიში 4-ჯერ მიიტანეს.

ინფორმაცია, გარდაცვლილთა და დაშავებულთა შესახებ არ ვრცელდება.

ხატია ლაღიძე