დღეს, „ნორმანდიული ოთხეულის“ საგარეო საქმეთა მინისტრები ერთმანეთს პარიზში შეხვდებიან და აღმოსავლეთ უკრაინის კრიზისისა და ცეცხლის შეწყვეტის რეჟიმის დარღვევის შესახებ იმსჯელებენ.

BBC-ის ინფორმაციით, რუსეთის საგარეო საქმეთა მინისტრი, სერგეი ლავროვი უკვე პარიზში იმყოფება.

12 თებერვლის, „ნორმანდიული ოთხეულის“ მინსკის მოლაპარაკების შემდეგ, საფრანგეთის, გერმანიის, უკრაინისა და რუსეთის საგარეო საქმეთა მინისტრები ერთმანეთს დღეს პირველად ხვდებიან.

უკრაინის საგარეო საქმეთა მინისტრის განცხადებით, ის შეხვედრის დროს დონბასში გაერო-ს და ევროკავშირის სამშვიდობო მისიის განთავსების საკითხის წამოჭრას შეეცდება.

შეგახსენებთ, „ნორმანდიული ოთხეულის“ შეხვედრა მინსკში, 12 თებერვალს 16 საათის განმავლობაში მიმდინარეობდა. მოლაპარაკების შედეგად, მხარეები აღმოსავლეთ უკრაინაში ცეცხლის შეწყვეტისა და სამხედრო ტექნიკის გაყვანის თაობაზე შეთანხმდნენ. თუმცა, საბრძოლო მოქმედებები დონბასში ამ დრომდე გრძელდება.

ხატია ლაღიძე