ხარკოვის ტერაქტის შედეგად დაჭრილი 15 წლის ბიჭი საავადმყოფოში გარდაიცვალა.

აფეთქების შედეგად, ბიჭმა თავის ქალის დაზიანება მიიღო, რის შედეგადაც კომაში ჩავარდა. ექიმებმა მისი გარადჩენა ვერ შეძლეს.

შეგახსენებთ, გუშინ მაიდნის წლისთავის აღსანიშნავად გამართული "ერთიანობის მარშის" მსვლელობისას მომხდარ აფეთქებას 3 ადამიანის სიცოცხლე შეეწირა, 11-მდე კი დაშავდა.

უკრაინის შინაგან საქმეთა სამინისტრომ, მომხდარს ტერაქტის კვალიფიკაცია უკვე მიანიჭა. ტერაქტის შემდეგ ჩატარებული ანტიტერორსტული ოპერაციის შედეგად, დაკავებულია ტერორიზმში ეჭვმიტანილი ოთხი ადამიანი. დაკავებულები, სავარაუდოდ დაჯგუფება „ხარკოვსკიე პარტიზანი“-ს წევრები არიან.

ხატია ლაღიძე