შემოსავლების სამსახურის თანამშრომლებმა სხვადასხვა სახის არადეკლარირებული საქონლის შემოტანის რამდენიმე მცდელობა გამოავლინეს. მათ შორის, 20 თებერვალს საბაჟო გამშვები პუნქტის „სარფის“ ტერიტორიაზე შემოვიდა საქართველოს მოქალაქე მ. ხ., რომელსაც აღმოაჩნდა 9 ცალი არადეკლარირებული ოქროს ყელსაბამი (62,05გრ), ასევე, მობილური ტელეფონი IPHONE - 2 ცალი და SAMSUNG GALAXY win - 2 ცალი. საქონლის საბაჟო ღირებულებამ შეადგინა 3798,55 ლარი.

22 თებერვალს სგპ „წითელი ხიდის“ კონტროლის ზონაში აზერბაიჯანის მხრიდან შემოვიდა ავტობუსი, რომელსაც მართავდა საქართველოს მოქალაქე ს. ი. . ავტობუსის ინსპექტირების შედეგად, მებაჟე ოფიცრებმა აღმოაჩინეს არადეკლარირებული საქონელი, კერძოდ, 134 კგ ავტომანქანის ნაწილები; აღნიშნული საქონლის საბაჟო ღირებულებამ, ექსპერტიზის დასკვნის საფუძველზე, შეადგინა 3966.67 ლარი.

ორივე კანონდამრღვევს, სსკ-ის 289 მუხლის მე-10 ნაწილის საფუძველზე, სანქციის სახით შეეფარდა ფულადი ჯარიმა, შესამაბისად, 3798,55 და 3966,67 ლარის ოდენობით.