ბრიტანეთი "პუტინის შპიონებსა" და შემოჭრილ რუსულ თვითმფრინავებს საკადრის პასუხს გასცემს

მსოფლიო - 21:17, 22 Feb, 2015

3595

გაზეთ Sunday Times-ის ცნობით დიდი ბრიტანეთის მთავრობამ გამოსცა განკარგულება, რომლის თანახმადაც ე.წ. "პუტინის შპიონებისა" და ბრიტანეთის საჰაერო სივრცის დამრღვევ თვითმფრინავებს საკადრის პასუხს გასცემს.
გაზეთი მთავრობის მაღალჩინოსნებზე დაყრდნობით, აცხადებს, რომ ბრიტანეთი შეცვლის პოლიტიკას ქვეყანაში მოქმედ რუსეთის სადაზვერვო სამსახურის თანამშრომლების მიმართ.
კერძოდ, ბრიტანეთის უშიშროების სამსახურის განკარგულებით კონტრტერორისტულმა განყოფილებამ "მი-5" უნდა გააძლიეროს კრემლის ყველა აგენტის თვალთვალი.
გაზეთის განცხადებით, ახლა, როდესაც ბრიტანეთის სპეცსამსახურები ძირითად ყურადღებას "ისლამისტური სახელმწიფოს" ტერორისტების ქმედებებს აქცევენ, კრემლის სპეცსამსახურებს მოქმედების მეტი თავისუფლება შეექმნათ. მისი ცნობით, მარტო ლონდონში კრემლის 40 აგენტი მოქმედებს.
ასევე გაძლიერდება ქვეყნის ე.წ. კიბერუსაფრთხოება - მას შემდეგ რაც რუსეთმა კიბერშეტევა ბალტიის ქვეყნებზე, საქართველოსა და უკრაინაზე განახორციელა, ბრიტანეთმა დამატებითი სახსრები გამოყო რუსეთის ხაკერული თავდასხმებისაგან თავის დასაცავად.
ანალოგიურ ქმედებების განხორციელებას აპირებს ბრიტანეთის თავდაცვის სამინისტრო, რომელმაც სამხედრო საჰაერო ძალებს დაავალა, რომ გაამკაცროს კონტროლი და რუსულ თვითმფრინავებზე მეთვალყურეობა, მათი მხრიდან ბრიტანეთის საჰაერო სივრცესთან მიახლოების შემთხვევებში მიიღოს ყველა ადეკვატური ზომა.
"დათვები ტყიდან არ უნდა გამოდიოდნენ", - აცხადებს გაზეთ Sunday Times-ის წყარო.