გენერალი ლენცოვი: დღეს ფრონტის ხაზიდან რუსული მძიმე ტექნიკის გაყვანის პროცესი დაიწყება

მსოფლიო - 10:34, 22 Feb, 2015

2536

რუსეთის წარმომადგენელმა, აღმოსავლეთ უკრაინაში ცეცხლის შეწყვეტის საკოორდინაციო ჯგუფში, გენერალმა ალექსანდრე ლენცოვმა დღეს დილით განაცხადა, რომ სეპარატისტები დათახმდნენ დღესვე დაიწყონ ფრონტის ხაზიდან მძიმე ტექნიკის გაყვანის პროცესი, რომელიც ორ კვირაში დასრულდება.

აგრეთვე ხდება ცნობილი, რომ შაბათ საღამოს, ლუგანსკთან მოხდა ტყვეების გაცვლა. ეს არის პირველი შემთხვევა დაპირისპირებულ მხარეებს შორის ტყვეების გაცვლის, მინკის შეთანხმების შემდეგ.

როგორც ევროპული მედია ავრცელებს, შაბათ საღამოს ლონდონში ჩავიდა აშშ-ს სახელმწიფო მდივანი ჯონ კერი, თავის ბრიტანელ კოლეგასთან უკრაინის საკითხზე მოსალაპარაკებლად, კერიმ სწორედ ლონდონში დაანონსა, რომ რამოდენიმე დღეში ობამა მიიღებს გადაწყვეტილებას უკრაინისთვის იარაღის მიწოდების თაობაზე. სახელმწიფო მდივანმა აგრეთვე ხაზი გაუსვა, რომ ვაშინგტონი და ევროპელი მოკავშირეები რუსეთთან თამაშით გართობას არ აპირებენ.

აშშ-ს სახელმწიფო დეპარტამენტის აზრით, რუსეთი მინსკის შეთანხმების დარღვევით აგრძელებს სეპარატისტების მხარდაჭერას და დარტყმის ქვეშ აყენებს საერთაშორისო დიპლომატიას.