„ბოევიკების“ მიერ ავდეევკას დაბომბვისას, ჭურვი ქალაქის ერთ-ერთ კაფეს მოხვდა, რის შედეგადაც სამი ადამიანი დაიღუპა.

ამის შესახებ ინფორმაციას, უკრაინის შინაგან საქმეთა სამინისტროს მთავარი სამმართველოს ხელმძღვანელი, ვიაჩესლავ აბროსკინი ავრცელებს.

„კაფეს მიმართულებით, სეპარატისტების ნასროლ ჭურვს, სამი ადამინის სიცოცხლე ემსხვერპლა. შემთხვევის ადგილზე საგამოძიებო გუნდი მუშაობს. ნგრევისა და მსხვერპლის შესახებ ინფორმაცია ზუსტდება“ - განაცხადა აბროსკინიმ.

"ბოევიკები" შიროკინოს, ავდეევკასა და პესკის მიმართულებით თავდასხმებს არ წვეტენ.

უკრაინის ანტიტერორისტული ოპერაციების შტაბის ხელმძღვანელის, ანდრეი ლისენკოს განცხადებით , ამ წუთებში „ბოევიკების“ სამხედრო ტექნიკა მარიუპოლისკენ გადაადგილდება, რასაც შესაძლოა ქალაქზე თავდასხმა მოჰყვეს.

ხატია ლაღიძე