წლის დასაწყისიდან, დებალცევოში 3 ათასი „ბოევიკი“ დაიღუპა.

მსხვერპლი არის უკრაინელ მერბძოლებშიც. 18 იანვრიდან 18 თებერვლის ჩათვლით, დებალცევოში „ბოევიკებთან“ შეტაკებებს 179 უკრაინელი ჯარისკაცი ემსხვერპლა.

ამის შესახებ ინფორმაციას, უკრაინის პრეზიდენტის მრჩეველი, თავდაცვის მინისტრის თანაშემწე იური ბირიუკოვი ავრცელებს.

მისივე თქმით, უკრაინელმა მეომრებმა დებალცევოში სეპარატისტების 44 ტანკის, 33 საბრძოლო მანქანისა და 27 სარაკეტო სისტემის განადგურება მოახერხეს.

შეგახსენებთ, აღმოსავლეთ უკრაინაში საბრძოლო მოქმედებები ამ დრომდე გრძელდება.

„ბოევიკებმა“ ქალაქ დებალცევოზე კონტროლის დამყარება მოახერხეს.

ამ წუთებში სეპარატისტების სამხედრო და ცოცხალი ძალები მარიუპოლის მიმართულებით გადააადგილდებიან.

ხატია ლაღიძე