მოსკოვში, რუსეთის მთავრობის მიერ სანქცირებული დემონსტრაცია დაიწყო.

მოძრაობა „ანტიმაიდანი“ მაიდნის წლისთავთან დაკავშირებით საპორტესო აქციას მართავს, რომელსაც სხვადასხვა საზოგადოებრივი ორგანიზაციები და პოლიტიკური პარტიები შეუერთდნენ.

ერთი წლის წინ, უკრაინის დამოუკიდებლობის მოედანზე ანტისამთავრობო დემონსტრაციებსა და იანუკოვიჩის რეჟიმის ნგრევას, „ანტიმაიდანი“ სახელმწიფო გადატრიალებად აღიქვამს.

„რუსეთი არასოდეს დაუშვებს, ვინმემ ძალის ენით ელაპარაკოს, “„დათვი ნებართვას არავის სთხოვს“- მსგავსი შინაარსის ლოზუნგებით, აქციის მონალიწეები მოსახლეობას ქუჩაში გამოსვლისკენ მოუწოდებენ.

რუსული მედია აქტიურად აანონსებდა მიტინგს და ყველას „ვინც საკუთარ თავს პატრიოტად მიიჩნევენ და რევოლუციებს ეწინააღმდეგება“ მოსკოვის ცენტრში, „ანტიმაიდნის“ მსვლელობაში მონაწილეობისკენ მოუწოდებდა.

ორგანიზატორთა თქმით, მსვლელობის შემდეგ მიტინგიც გაიმართება. მსვლელობის მარშრუტი პოლიციელთა მიერ არის გარშემორტყმული.

ხატია ლაღიძე