დღეს, მოსკოვში მოძრაობა „ანტიმაიდანი“ მაიდნის წლისთავთან დაკავშირებით საპორტესო აქციას გეგმავს.

ერთი წლის წინ, უკრაინის დამოუკიდებლობის მოედანზე ანტისამთავრობო დემონსტრაციებსა და იანუკოვიჩის რეჟიმის ნგრევას, „ანტიმაიდანი“ სახელმწიფო გადატრიალებად აღიქვამს.

აქციის ორგანიზატორთა თქმით, მსვლელობაზე ათასობით ადამიანს ელოდებიან.

რუსული მედია აქტიურად აანონსებენ მიტინგს და ყველას „ვინც საკუთარ თავს პატრიოტად მიიჩნევენ და რევოლუციებს ეწინააღმდეგება“ მოსკოვის ცენტრში, „ანტიმაიდნის“ მსვლელობაში მონაწილეობისკენ მოუწოდებენ.

შეგახსენებთ, უკრაინა მაიდნის წლისთავს აღნიშნავს.

გუშინ, კიევის დამოუკიდებლობის მოედანზე 10 ათასამდე ადამიანი შეიკრიბა. მათ წუთიერი დუმილით, ყვავილებითა და სანთლების მაიდანზე დაღუპულ გმირებს პატივი მიაგეს.

შეკრებილებს სიტყვით, უკრაინის პრეზიდენტმაც მიმართა.

„ზეციური ასეულის“ ოჯახის წევრები პეტრო პოროშენკომ ღირსების ორდენებით დააჯილდოვა.

2014 წლის 20 თებერვალი, ყველაზე სისხლიანი და ტრაგიკული დღე იყო. კიევში ანტისამთავრობო დემონსტრაციის დარბევას 100 მომიტინგე და 20 პოლიციელი ემსხვერპლა.

ხატია ლაღიძე