ამერიკელი სენატორები, მათ შორის რსპუბლიკელი ჯონ მაკკეინი და დემოკრატი რიჩარდ დურბინი, რუსეთის მიმართ დაწესებული სანქციების გამკაცრებას მოითხოვენ.

სენატორებმა, აშშ-ის სახელმწიფო მდივან, ჯონ კერის წერილი გაუგზავნეს, რომელშიც აღმოსავლეთ უკრაინაში „ბოვიკების“ მხარდაჭერისთვის, რუსეთის წინააღმდეგ დაწესებული სანქციების გამკაცრების ინიციატივით მიმართეს.

წერილში ასევე ნათქვამია, რომ დროა ამერიკამ უკრაინა თავდაცვითი იარაღით უზრუნველყოს.

ჯონ მაკკეინი უკრაინის შეიარაღების ინიციატივით რამდენჯერმე გამოვიდა.

„ევროპის მიერ დაწესებული სანქციების მიუხედავად, რუსეთი უკრაინაში აგრესიას არ წყვეტს. ევროპის უსაფრთხოებისთვის ეს ძალიან სერიოზული გამოწვევაა. სწორედ ამიტომ, დროა ამერიკამ იმოქმედოს და უკრაინა ლეტალური იარაღით მოამარაგოს“ - განაცხადა მაკკეინმა რამდენიმე დღის წინ.

ხატია ლაღიძე