ათენსა და ევროჯგუფს შორის მოლაპარაკების მესამე რაუნდი გუშინ გაიმართა.

ევროზონის ქვეყნების ფინანსთა მინისტრები და საბერძნეთი შეთანხმდნენ, რომ ათენს ფინანსური დამხარების პროგრამა 4 თვით გაუგრძელდეს.

საბერძნეთმა თავის მხრივ, სტრუქტურული რეფორმების გატარების პირობა დადო.

23 თებერვალს, ევროზონის ქვეყნებს ათენმა რეფორმების შესახებ თავისი წინადადება უნდა წარუდგინოს.

მოლაპარაკებების შემდეგ, ევროჯგუფის თავმჯდომარე, იერუნ დეისელბლუმმა განაცხადა, რომ ათენი ვალების დაბრუნებისა და ყველა ნაკისრი სასესხო ვალდებულების შესრულების პირობას დებს.

შეგახსენებთ, საბერძნეთის საპარლამენტო არჩევნებში, ოპოზიციურმა პარტია „სირიზამ“ გაიმარჯვა. ქვეყნის ახალი პრემიერ-მინისტრი , ალეხსის ციპრასი ევროკავშირის მკაცრ პოლიტიკას აპროტესტებდა და ვალების რესტრუქტურიზაციას ითხოვდა.

მთლიანობაში, საბერძნეთის საგარეო ვალმა 300 მილიარდ ევროს გადააჭარბა.

ხატია ლაღიძე