უკრაინის შეიარაღებული ძალების გენშტაბის მეთაურის, ვლადისლავ სელეზნიოვის განცხადებით, 82 დაკარგული ჯარისკაციდან 51-ის ბედი ცნობილია. ისინი „ბოევიკებმა“ ტყვედ აიყვანეს.

სელეზნიოვის განცხადებით, დებალცევოში პრორუსული სეპარატისტების მიერ დატყვევებულ უკრაინელ მებრძოლთა რიცხვი გაიზარდა და 110-ს შეადგენს.

„დღევანდელი მონაცემებით, 110 უკრაინელი მეომარი „ბოევიკების“ ტყვეობაში იმყოფება. ჯერჯერობით უცნობია 31 ჯარისკაცის ბედი. მათი ადგილსამყოფელის დასადგენად სამუშაოები მიმდინარეობს“ - განაცხადა სელეზნიოვმა.

აღმოსავლეთ უკრაინაში ვითარება ამ დრომდე დაძაბულია. 12 თებერვლის მინსკის მოლაპარაკებისა და ცეცხლის რეჟიმის ამოქმედების მიუხედავად, კონფლიქტის ზონაში საომარი მოქმედებები არ წყდება.

გუშინ, დებალცევოდან უკრაინული არმიის ევაკუაციაც დასრულდა . ქალაქზე სრულ კონტროლს "ბოევიკები" ფლობენ.

ხატია ლაღიძე