დებალცევოს შემდეგ, უკრაინის შეიარაღებულმა ძალებმა ლუგანსკის ოლქის ერთერთი ქალაქი, ჩერნუხინო დატოვეს, რომელზეც კონტროლი „ბოევიკებმა“ უკვე დაამყარეს.

უკრაინული მედიის ინფორმაციით, ამის შესახებ ლუგანსკის რეგიონული ადმინისტრაციის პრესსამსახური იტყობინება.

ბოლო კვირების განმავლობაში, ჩერნუხინოში აქტიური ბრძოლები მიმდინარეობდა და უკრაინული მხარე მოსახლეობის ევაკუაციას უშედეგოდ ცდილობდა.

აღმოსავლეთ უკრაინაში ვითარება ამ დრომდე დაძაბულია. 12 თებერვლის მინსკის მოლაპარაკებისა და ცეცხლის რეჟიმის ამოქმედების მიუხედავად, კონფლიქტის ზონაში საომარი მოქმედებები არ წყდება.

გუშინ, დებალცევოდან უკრაინული არმიის ევაკუაციაც დასრულდა . ქალაქზე სრულ კონტროლს "ბოევიკები" ფლობენ.