ირანი აშშ-სთან თეირანის ბირთვულ პროგრამასთან დაკავშირებით ახალ მოლაპარაკებებს იწყებს.

მოლაპარაკებები პარასკევს დაიწყება, რომელშიც მონაწილეობას ირანის საგარეო საქმეთა მინისტრი ჯავად ზარიფი და აშშ-ის სახელმწიფო მდივანი ჯონ კერი მიიღებენ.

ამერიკის შეერთებული შტატები, საფრანგეთთან, დიდი ბრიტანეთსა და რუსეთთან ერთად, ეკონომიკური სანქციების მოხსნის სანაცვლოდ, ირანის ბირთვული პროგრამის შეზღუდვას ცდილობენ.

საერთაშორისო თანამეგობრობა მიიჩნევს, რომ მშვიდობიანი პროგრამის საფარქვეშ, ირანი ბირთვულ იარაღს ავითარებს.

ირანის ხელისუფლებაში ამტკიცებენ, რომ ბირთვულ საქმიანობას მშვიდობიანი მიზნებისთვის ეწევიან.