უკრაინის პრეზიდენტის, პეტრო პოროშენკოს პრესსამსახურის განცხადებით, „ნორმანდიული ოთხეულის“ სატელეფონო საუბარი შედგა. 4 ქვეყნის ლიდერმა დონბასში შექმნილი ვითარების შესახებ იმსჯელეს.

პოროშენკომ კოლეგებს მოუწოდა, „ნუ შექმნიან ისეთ განწყობას, თითქოს დებალცევოში მიმდინარე მოვლენები მინსკის შეთანხმებას შეესაბამება.“

მხარეები შეთანხმდნენ, რომ ორივე მხარემ ეუთო-ს სადამკვირვებლო მისიას მუშაობაში ხელი უნდა შეუწყოს და მათ დონეცკის აეროპორტის, გორლოვკას, პერვომაისკის, შიროკინოს და იმ ტერიტორიების დათვალიერების შესაძლებლობა უნდა მიეცეთ, სადაც დღეს საბრძოლო მოქმედებები მიმდინარეობდა.

შეგახსენებთ, „ნორმანდიული ოთხეულის“ სატელეფონო საუბარი ოთხშაბათისთვის იყო დაგეგმილი, თუმცა 4 ქვეყნის ლიდერის გრაფიკის შეუთავსებლობის გამო ჩაიშალა.