ვეკუას ადვოკატი შვეიცარიის ელჩს სასამართლოზე ზეწოლაში ადანაშაულებს

სამართალი - 15:14, 19 Feb, 2015

1557

ზუგდიდის რაიონული სასამართლო თითქმის ორი წელია ბიზნესმენ არჩილ ვეკუას საქმეს განიხილავს. ვეკუას ბრალად მისი თურქი ბიზნეს პარტნიორის, ალი რეზა ყიზილდარის კუთვნილი ნახევარი მილიონი ლარის მიითვისება ედება.

დღეს გამართულ სასამართლო პროცესზე ბრალდებულის ადვოკატმა ამირან გიგუაშვილმა პროკურატურა თურქი ბიზნესმენის ინტერესების გატარებაში დაადანაშაულა და განაცხადა, რომ საქმეზე ზეგავლენას ახდენს შვეიცარიის ელჩი საქართველოში გიუნტერ ბეხლერი, რომელიც რამდენიმე სასამართლო პროცესს დაესწრო. დაცვის მხარემ ოფიციალური წერილი გაგზავნა საელჩოში, რომ არ დასწრებოდა ელჩი სასმართლო პროცესს, რადგან ამით ზეწოლას ახდენდა მოსამართლეზე.

ადვოკატი ამირან გიუნაშვილი „ნიუპოსტთან“ აცხადებს, რომ თურქ მოქალაქეს ზუგდიდის რაიონული სასამართლოს პირველი გადაწყვეტილებით არჩილ ვეკუას სასარგებლოდ დაეკისრა ნახევარ მილიონამდე ლარის გადახდა, შემდეგ უკვე ქუთაისის სააპელაციოს სასამართლოს გადაწყვეტილბით, ზუგდიდის რაიონული სასამართლოს მიღებული გადაწყვეტილება ძალაში დატოვა. ადვოკატის თქმით სწორედ ამის შემდეგ შეიტანა სარჩელი პროკურატურაში თურქმა ბიზნესმენმა, თიქთქოს არჩილ ვეკუა იყო მისი ბიზნეს პარტნიორი და ხელი მიუწვდებოდა ბიზნესმენის ფინანსებზე, რის შემდეგაც მოხდა თურქი ბიზნესმენის საკუთრებაში არსებული თანხის მითვისება.

ვეკუას ადვოკატის თქმით, პროკურატურას საქმეში გამოყენებული აქვს არაოფიციალურად მოპოვებული საბანკო ამონაწერები, რომელთა ოფიციალურ მტკიცებულებად ჩათვლა შეუძლებელია. ადვოკატი მიმართავს გენერალურ როკურორს პირად საქმეზე აიყვანოს ეს საქმე.

მომდევნო სასამართლო პროცესი დანიშნულია 2 მარტს. არჩილ ვეკუა ბრალდებულია 182 მუხლის მესამე ნაწილით, რაც განსაკუთრებით დიდი ოდენობით თანხის მითვისებას გულისხმობს.