გერმანიის კანცლერის, ანგელა მერკელის განცხადებით, ევროპა უკრაინის დასახმარებლად ძალისხმევას არ იშურებს.

„გერმანიისა და საფრანგეთის მთავრობები, ევროპის ქვეყნებთან ერთად ძალისხმევას არ იშურებენ და ყველაფერს აკეთებენ იმისთვის, რომ უკრაინამ ტერიტორიული მთლიანობა შეინარჩუნოს და განვითარების გზას არ გადაუხვიოს“ - განაცხადა მერკელმა ქრისტიან-დემოკრატიული პარტიის ყრილობაზე.

მერკელმა აღნიშნა, რომ სურს რუსეთი პარტნიორ ქვეყნად დარჩეს.

„გვინდა, რუსეთი პარტნიორ ქვეყნად დარჩეს და ევროპული წესრიგი არა რუსეთის წინააღმდეგ, არამედ რუსეთთან ერთად დავამყაროთ. თუმცა ჩვენ არ შეგვიძლია უარი ვთქვათ საკუთრ პრინციპებზე. ყირიმის ანექსია - ეს საერთაშორისო სამართლის ნორმების დარღვევაა“- დასძინა გერმანიის კანცლერმა.