უკრაინის პრეზიდენტის, პეტრო პოროშენკოს განცხადებას უკრაინაში გაერო-ს სამშვიდობო მისიის შეყვანის შესახებ, გაეროში რუსეთის მუდმივი წარმომადგენელი ვიტალი ჩურკინი გამოეხმაურა.

ჩურკინის განცხადებით, უკრაინის ხელისუფლების მიერ სამშვიდობოების მოწვევა, მინსკის შეთანხმების შესრულებას ეჭვქვეშ აყენებს.

"იმ ფონზე, როცა მხარეები განიარაღებასა და კონფლიქტის ზონიდან სამხედრო ტექნიკის გაყვანაზე უნდა ფიქრობდნენ, გაერო-ს მისიის მოწვევა მინსკის ხელშეკრულების დარღვევის ტოლფასია" - განაცხადა ჩურკინმა.

შეგახსენებთ, უშიშროების საბჭოს სხდომაზე პეტრო პოროშენკომ უსაფრთხოების ზომების გაძლიერებაზე ისაუბრა და გაეროს დონბასში სამშვიდობო მისიის გაგზავნის თხოვნით მიმართა.