აშშ-ის პრეზიდენტის, ბარაკ ობამას განცხადებით, ამერიკა არა ისლამს, არამედ იმ ტერორიზმს ებრძვის, რომელიც რელიგიას ამახინჯებს.

ამის შესახებ, ობამამ ექსტრემიზმთან ბრძოლის შესახებ გამართულ სამიტზე განაცხადა და აღნიშნა, რომ რელიგია პასუხისმგებელი არ არის იმ დანაშაულებზე, რომლებსაც მისი მიმდევრები სჩადიან.

აშშ-ის პრეზიდენტის განცხადებით, სირიასა და ერაყში , 100 ქვეყნის 20 ათასამდე ბოევიკი იბრძვის რადიკალური ისლამისტური დაჯგუფება „ისლამური სახელმწიფოსა“ და სხვა ექსტრემისტული დაჯგუფებების მხარეს.

შეგახსენებთ, აშშ ანტიტერორისტულ კოალიციასთან ერთად „ისლამური სახელმწიფოს“ დამარცხებას ცდილობს.

ბოლო ერთი თვის განმავლობაში, კოალიციის ძალებმა ჯიჰადისტების პოზიციები რამდენჯერმე დაბომბეს.