ხვალ უკრაინა მაიდნის წლისთავს აღნიშნავს, თუმცა ღონისძიებები დღეს საღამოს დაიწყება.

კიევის დროით 18:00 საათზე, ჰაერში მანათობელ ბურთებს გაუშვებენ. ხვალ კი ქალაქის მთავარ მოედანზე ერთი წლის წინ, 20 თებერვალს გარდაცვლილთა ხსოვნას პატივს მიაგებენ.

ღონისძიებას უკრაინის პრეზიდენტი, პეტრო პროშენკოც შეუერთდება.

კიევის პოლიციის განცხადებით, ხვალ 17:00 საათიდან 22:00 საათამდე ქალაქის მთავარი ქუჩები გადაიკეტება.

გუშინ, კიევის ცენტრში დაღუპულთა ხსოვნისადმი მიძღვნილი მემორიალიც გაიხსნა.

შეგახსენებთ, 2014 წლის 20 თებერვალი, ყველაზე სისხლიანი და ტრაგიკული დღე იყო. კიევში ანტისამთავრობო დემონსტრაციის დარბევას 100 მომიტინგე და 20 პოლიციელი ემსხვერპლა.