შსს-მ ციხეებში უკანონო მოსასმენები აღმოაჩინა

სამართალი - 11:31, 29 Jan, 2013

618

,,სამსახურეობრივი უფლებამოსილების ბოროტად გამოყენებისა და სამსახურეობრივი მდგომარეობის გამოყენებით კერძო კომუნიკაციის საიდუმლოების დარღვევის ფაქტზე მიმდინარე გამოძიების ფარგლებში შსს, მთავარი პროკურატურისა და საჯელაღსრულებისა და პრობაციის, იურიდიული დახმარების სამინისტროებმა ერთიანად ჩატარებული ოპერატიული და სამძებრო ღონისძიებების ჩატარების შედეგად სასჯელაღსრულების დაწესებულებებში უკანონოდ დამონტაჟებული ფარული მოსასამენი და ჩამწერი აპარატურა აღმოაჩინეს. გამოძიების პროცესში გაირკავა, რომ საქართველოს სასჯელაღსრულების დაწესებულებებში, მათ შორის თბილისის მერვე და მეცხრე, ბათუმის მესამე, ქუთაისის მეორე, გეგუთის მეთოთხმეტე და ზუგდიდის მეოთხე დაწესებულებაში 2006- 2010 წლებში შენობების მშენებლობის და სარემონტო სამუშაოების ჩატარების დროს უკანონოდ დამონტაჟდა ფარული მოსასმენი და ჩამწერი აპარატურა. შესაბამისად დანაშაული ორგანიზებულ ხასიათს ატარებდა. დაწესებულებებში ჩხრეკისა და დათვალიერების პროცესში უკანონოდ დამონტაჟებული ვიდეო და ჩამწერი მოწყობილობის გარდა გამომძიებლებმა მიაკვლიეს სპეციალურ სათავსოს, ე.წ. პულტების ოთახს, რომელიც აღჭურვილი იყო მონაცემთა გადაცემისათვის საჭირო ტექნიკით, რაც საშუალებას იძლეოდა ვიდეო და აუდიო კონტროლი დისტანციურად განხორციელებულიყო. სისხლის სამართლის საქმეს შინაგან საქმეთა სამინისტროს ანტიკორუფციული სააგენტო იძიებს“- განაცხადა ნინო გიორგობიანმა.