პეტრო პოროშენკო აღმოსავლეთ უკრაინაში გაეროს მშვიდობისმყოფელების მისიის გაგზავნას სთხოვს.

ამის შესახებ უკრაინის პრეზიდენტმა, უშიშროების საბჭოს კრებაზე ისაუბრა.

„ჩემი აზრით ყველაზე ეფექტური და ოპტიმალური გამოსავალია ამ სიტუაციაში უსაფრთხოების დასაცავად. დღევანდელი კრების შემდეგ ჩვენ დავიწყებთ ფორმალურ სამუშაოებს. ჩვენს პარტნიორებს კონსულტაციებისთვის მივმართავთ, რომლებიც მშვიდობის უზრუნველყოფაში დაგვეხმარებიან“- განაცხადა უკრაინის პრეზიდენტმა.

მისი თქმით, ეს საკითხი მინსკის მოლაპარაკებებზე ანგელა მერკელთანაც განიხილა.

შეგახსენებთ, გუშინ პოროშენკო არტემოვსკში იმყოფებოდა, სადაც დებალცევოდან ევაკუირებულ მეომრებს შეხვდა.

დებალცევო, უკრაინულმა მებრძოლებმა გუშინ დატოვეს. ქალაქს მთლიანად „ბოევიკები“ აკონტროლებენ.