თურქეთის საკანონმდებლო ორგანოს წევრები ერთმანეთს ფიზიკურად დაუპირისპირდნენ და ჩხუბში პარლამენტის თავმჯდომარის ჩაქუჩი და ზარიც გამოიყენეს. ჩხუბის შედეგად 5 პარლამენტარი დაზიანდა.

მედიის ცნობით, დაპირისპირება დახურულ შეხვედრაზე მოხდა, რომელზეც უსაფრთხოების შესახებ საკანონმდებლო პაკეტის განხილვა მიმდინარეობდა, ადგილობრივი მედიის ცნობით, აღნიშნული საკანონმდებლო პაკეტი გამოხატვის თავისუფლებას ზღუდავს.

დაპირისპირება მმართველი, "სამართლიანობისა და განვითარების პარტიის" დეპუტატსა და ოპოციზიის, პროქურთული "დემოკრატიული პარტიის" წარმომადგენელს შორის მოხდა. დაპირისპირების მიზეზი თავმჯდომარის გადაწვეტულება იყო, ოპოზიციის წარმომადგენლებს სიტყვით გამოსვლის უფლება არ მისცა. ოპოზიციის წარმომადგენლებმა პროტესტის ნიშნად ტრიბუნა დაიკავეს, ტრიბუნის მათგან გათავისუფლება უმრავლესობის წევრებმა ფიზიკური ძალით ცადეს.