ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ფედერიკა მოგერინი აცხადებს, რომ ევროკავშირს სურს მინსკის შეთანხმების შესრულება „მომდევნო რამდენიმე საათის განმავლობაში იხილოს.“

ევროკომისარმა ამის შესახებ, რიგაში ევროკავშირის თავდაცვის მინისტრების არაფორმალურ შეხვედრაზე განაცხადა.

„მინსკის ხელშეკრულების შესრულება მომდევნო რამდენიმე საათის განმავლობაში უნდა დავინახოთ“- განაცხადა მოგერინიმ.

რუსეთის მიმართ სანქციების გამკაცრებაზე საუბრისას, მოგერინიმ აღნიშნა, რომ ეს „ადგილზე არსებული სიტუაციაზეა დამოკიდებული.“

„ნებისმიერ შემთხვევაში ეს თავდაცვის მინისტრების არაოფიციალური შეხვედრაა და დღეს ამ საკითს(სანქციები) არ განვიხილავთ. ვისაუბრებთ ევროკავშირის მიერ უკვე მიღებულ და განხორციელებულ ზომებზე, რათა დავეხმაროთ და მხარი დავუჭიროთ მინსკის მოლაპარაკების შესრულებას“- განაცხადა უმაღლესმა ევროკომისარმა.