საქართველოს მესამე პრეზიდენტმა და ამჟამად, უკრაინის პრეზიდენტის მრჩეველთა საბჭოს თავმჯდომარემ, მიხეილ სააკაშვილმა BBC-ის ეთერში აღმოსავლეთ უკრაინაში მიმდინარე მოვლენებსა და ვლადიმერ პუტინის პოლიტიკის შესახებ ისაუბრა.

სააკაშვილის თქმით, პუტინის პოლიტიკა გეგმის მიხედვით არ მიდის და ის უკრაინის განადგურებას ვერ შეძლებს.

„ დავეთანხმები თქვენს კორესპოდენტს, რომ ეს არის ომი მიწის, ტერიტორიის, რესურსების, სტრატეგიულად მნიშნელოვანი ადგილების გამო. კიევიდან ეს ნათლად ჩანს. მინდა აღვნიშნო, ეს არ არის ბრძოლა მხოლოდ ტერიტორიებისთვის. პუტინმა კარგად დაინახა, რომ უკრაინას აქვს სურვილი და შესაძლებლობა თავი დააღწიოს დაბჭოთა კავშრის ჩარჩოებს. ქვეყანას ნამდვილად შეუძლია დასავლეთისკენ სწრაფვა, რეფორმების განხორციელება. სწორედ ამიტომ, პუტინს უკრაინის განადგურება სურს. რადგან იმ შემთხვევაში თუკი უკრაინა წარმატეაბას მიაღწევს , ეს რუსეთის მარცხი იქნება“- განაცხადა სააკაშვილმა.

მიხეილ სააკაშვილის განცხადებით, უკრაინა დამოუკიდებელი და თავისუფალი ქვეყანაა. საქართველოში წარმატებულად განხორციელებული რეფორმების შემდეგ კი, მეზობელი ქვეყნის დახმარებას ყველანაირად შეეცდება.

„პრეზიდენტი პოროშენკო ძალიან ჭკვიანი პიროვნებაა. მას სურს რეფორმები, მას სურს ცვლილება. გუშის სამი საათის განმავლობაში ვსაუბრობდით დებალცევოში მიმდინარე მძიმე ვითარების შესახებ.

ჩემი აზრით, უკრაინისადმი დასავლეთის მხარდაჭერა, თავდაცვითი იარაღის მიწოდებით უნდა გამოიხატოს“- აღნიშნა სააკაშვილმა. მისივე თქმით, უკრაინისთვის იარაღის მიწოდება სასიცოცხლო მნიშვნელობისაა.

„უკრაინა რუსეთისთვის შეტევას არ აპირებს. პირიქით, მას იარაღი რუსეთის თავდასხმებისგან და პროვოკაციისგან თავდასაცავად სჭირდება“- განაცხადა მიხეილ საკააშვილმა.