უკრაინის პრეზიდენტის, პეტრო პოროშენკოს პრესსამსახურის ცნობით პოროშენკოსა და აშშ-ის ვიცე-პრეზიდენტ, ჯო ბაიდენს შორის სატელეფონო საუბარი გაიმართა.

დღეს, გაერო-ს უშიშროების საბჭოზე, ამერიკის მიერ გამოხატული მტკიცე მხარდაჭერისთვის პოროშენკომ აშშ-ს მადლობა გადაუხადა.

ორი ქვეყნის წარმომადგენელი შეთანხმდა, რომ მინსკის ხელშეკრულება „ბოევიკების“ მრიდან განხორციელებული თავდასხმების გამო ირღვევა.

„პრეზიდენტმა პოროშენკომ აღნიშნა, რომ ესკალაციის შესაჩერებლად და მინსკის მოლაპარაკებების შესასრულებლად დაუყოვნებლივი ქმედებებია საჭირო. მან ასევე აშშ-ს მოუწოდა, შეასრულოს გაკეთებული განცხადება და უკრაინას თავდაცვისუნარიანობის გაძლიერებაში დაეხმაროს“ - ნათქმავია გავრცელებულ განცხადებაში.

ჯო ბაიდენმა პირობა დადო, რომ უკრაინის საკითხთან დაკავშრებით გაერო-სა და ეუთოს-თან მუდმივი კავშირი ექნება.

პეტრო პოროშენკომ საერთაშორისო ორგანიზაციებსაც მოუწოდა, ევროპის ცენტრში საომარი მოქმედებები არ დაუშვას.

ცეცხლის შეწყვეტის რეჟიმის ამოქმედების მიუხედავად, სტრატეგიულად მნიშნელოვანი ქალაქის, დებალცევოს გარშემო საომარი მოქმედებები გრძელდება.

პრორუსული სეპარატისტების განცხადებით, ზავის პირობები ამ ტერიტორიაზე არ ვრცელდება, რადგან დებალცევო საბრძოლო ხაზს უკან მდებარეობს.

რუსეთის პრეზიდენტმა, ვლადიმერ პუტინმა განაცხადამ რომ დებალცევი ალყაშემორტყმულია და უკრაინელ მეომრებს დანებებისკენ მოუწოდა.

ცოტა ხნის გავრცელებული ინფორმაციით, უკრაინულმა არმიამ დებალცევოს დატოვება დაიწყო.

აღმოსავლეთ უკრაინაში ვითარება უაღრესად დაძაბულია.