იური ვაზაგაშვილის საქმეზე ბრალდებულის გია სოსანაშვილის ადვოკატი სოსო ჯოგლიძე იმ პოლიციელის მონახულებას გეგმავს, ვისთან ერთად ყარაფილას აფეთქების დღეს სოსანაშვილი კასპის სასადილოში იმყოფებოდა.

ამის შესახებ „ნიუპოსტთან“ სოსო ჯოგლიძემ განაცხადა.

ადვოკატის თქმით, მას ჯანანაშვილთან შეკითხვები აქვს.

„მაგასთან ჯერ არ მინდა ჩასვლა, მაგრამ მოგვიანებით ჩავალ სხვა შეკითხვებით... მაგის ჩვენებებიც არ მომწონს, ცოტა სხვანაირია. არ არის ისეთი როგორიც უნდა იყოს. თუ ვინმეს სამსახურის დაკარგვა არ უნდა და თავს უფრთხილდება, ეს პრობლემა არ არის, თუმცა სამსახურის დაკარგვა არაფერია იმასთან, რაც ჩემი დაცვის ქვეშ მყოფს მოელის. 20 იანვარს სოსანაშვილი ნამდვილად იყო მასთან. იმ პერიოდში როდესაც აფეთქება მოხდა, ერთი საათით ადრე ჩემი დაცვის ქვეშ მყოფმა გამოიტანა ბანკომატიდან თანხა დედამისის საპენსიო ბარათიდან, შეშა იყიდა და ეს თანხა მისთვის სჭირდებოდა. ეს ვიდეოზეა დაფიქსირებული. ეს ჯანანაშვილი საერთოდ ისეთ რაღაცეებს ამბობს, ვითომ დისკრედიტაციას ეწევა ჩემი დაცვის ქვეშ მყოფისა...ისეთი რაღაცას ამბობს, რომ თითქოს სოსანაშვილი წუწურაქია და „ბოღმა“ იმიტომ ჰქვია და რაღაც ესეთი სისულელეები. ამ ადამიანს ბრალდება ინახავს თავისთვის“, - განაცხადა ჯოგლიძემ.