რა რაოდენობის იარაღიც არ უნდა მიაწოდონ უკრაინას, შედეგი მაინც იგივე იქნება

რა რაოდენობის იარაღიც არ უნდა მიაწოდონ უკრაინას, შედეგი მაინც იგივე იქნება - პუტინი

მსოფლიო - 11:19, 18 Feb, 2015

5729

რუსეთის პრეზიდენტის ვლადუმერ პუტინის თქმით, ზავის მიუხედავად, მისთვის მოსალოდნელი იყო, აღმოსავლეთ უკრაინის ზოგიერთ რაიონში ბრძოლების გაგრძელება. მისი აზრით, დებალცევოს მოვლენები პროგნოზირებადი და გასაგებია. ბიბისის ინფორმაციით, აღნიშნული განცხადება პუტინმა უნგრეთში ვიზიტისას გააკეთა.

კრემლის ლიდერის განცხადებით მინსკში მიღწეული შეთანხმების შემდეგ დონბასში ბრძოლა მნიშვნელოვნად შესუსტდა.

ვლადიმერ პუტინმა სხვა ქვეყნების მიერ უკრაინისთვის იარაღის მიწოდებაზეც გააკეთა აქცენტი და განაცხადა, რომ მის ხელთ არსებული ინფორმაციით ამერიკა უკვე აწვდის იარაღს უკრაინელებს.

„მე დარწმუნებული ვარ, რომ ვინც არ უნდა იყოს და რა რაოდენობის იარაღიც არ უნდა მიაწოდონ , შედეგი მაინც იგივე იქნება რაც დღეს არის, უბრალოდ მსხვერპლის რაოდენობა გაიზრდება.“- აღნიშნა პუტინმა.

პუტინის განცხადებით უკრაინელ სამხედროებს ბრძოლა არ სურთ: „ უკრაინის შეიარაღებული ძალების სამხედრო მოსამსახურეების დიდ უმრავლესობას, ჩემი აზრით არ აქვს სურვილი მონაწილეობა მიიღოს ძმათამკვლელ ომში, მით უმეტეს საკუთარი სახლიდან შორს, დონბასელ ამბოხებულებს კი უფრო დიდი მოტივაცია აქვთ დაიცვან თავისი ოჯახები“- განაცხადა რუსეთის პრეზიდენტმა.