მერიის ზედამხედველობის სამსახურის უფროსის მოადგილე დავით მედულაშვილი და ამავე სამსახურის მთავარი სპეციალისტი თამაზ ცერცვაძე დაკავებული თანამდებობიდან გათავისუფლდნენ.

ამის შესახებ მერიაში გამართულ ბრიფინგზე გახდა ცნობილია.

მათ განმარტებით, მედულაშვილის თანამდებობაზე ყოფნის ვადა 16 თებერვალს ამოიწურა, ხოლო მერიის მიერ გამოცხადებულ კონკურსზე არ გამოცხადდა, რის გამოც ვაკანტურ თანამდებობაზე სხვა პირი დაინიშნა.

აქვს თუ არა რომელიმე მათგანს შეხება რამდენიმე დღის წინ დაკავებული ჯოკია ბოდოკიას საქმესთან, მერია არ აკონკრეტებს.

:ამაზე პასუხის გასაცემად თბილისის მერია არ არის კომპეტენტური, ვინაიდან ის არ არის საგამოძიებო ორგანო", - აცხადებენ დედაქალაქის მთავრობაში.

შეგახსენებთ,არასამთავრობო ორგანიზაცია „მედიატორმა“ და "სამოქალაქო მონიტორინგის ცენტრმა" გაავრცელეს დოკუმენტი, რომლის მიხედვით შსს-ს ანტიკორუფციული დეპარტამენტი სთხოვს თბილისის მერს, რომ დროულად მიაწოდოს ინფორმაცია მერიის ორი მაღალჩინოსნის შესახებ.