რუსეთის დუმაში ახალი აქცია „Je suis Кобзон” იწყება.

რუსეთის სახელმწიფო სათათბიროს წევრმა, დუმის განათლების კომიტეტის ხელმძღვანელმა ვიაჩესლავ ნიკონოვმა ევროკავშირის „შავ სიაში“ მოხვედრილ რუსეთის მოქალაქეებს სოლიდარობა გამოუცხადა.

„რუსეთის სახელმწიფო სათათბირო აღშფოთებულია , ჩვენი საპატიო და ღირსეული კოლეგების, იოსებ კობზონისა და ვალერი რიშკინის წინააღმდეგ სანქციების დაწესების გამო.

ჩვენო თანამემამულენო, ჩვენ თქვენს გვერდით ვართ! თუკი ისინი ყველანი შარლები არიან, მაშინ ჩვენ ყველანი კობზონები და რაშკინები ვართ“ - განაცხადა ნიკონოვმა.

შეგახსენებთ, უკრაინის კონფლიქტთან დაკავშირებით ერვოკავშირის მიერ შემოღებულ „შავ სიას“ 19 ფიზიკური და 9 იურიდიული პირი შეუერთდა.

გაფართოებულ „შავ სიაში“ რუსეთის თავდაცვის მინისტრის მოადგილე, ანატოლი ანტონოვი, სახელმწიფო დუმის დეპუტატი და რუსეთის სახალხო არტისტი, იოსებ კობზონი და სხვა რუსი მაღალჩინოსნები მოხვდნენ.