დანიის დედაქალაქ, კოპენჰაგენში იმ კაფესთან, სადაც რამდენიმე დღის წინ თავდასხმა მოხდა, საეჭვო პაკეტი აღმოაჩინეს.

კაფეს მიმდებარე ტერიტორია პოლიციის მიერ არის ალყაშემორტყმული, მიმდინარეობს მოსახლეობის ევაკუაცია.

შეგახსენებთ, 14 თებერვალს ტერორისტები სწორედ იმ კაფეს დაესხნენ თავს, სადაც ვილკსი რელიგიურ თემაზე სემინარს ატარებდა. თავდასხმას ერთი ადამიანი ემსხვერპლა, 3 პოლიციელი კი დაიჭრა.

რამდენიმე საათის შემდეგ სროლის ხმა ქალაქის სინაგოგასთან გაისმა, სადაც სასიკვდილოდ დაიჭრა 55 წლის ებრაული წარმოშობის მამაკაცი, რომელიც საავადმყოფოში გარდაიცვალა.

პოლიციამ თავდამსხმელის ლიკვიდაცია და მისი 2 თანამზრახველის დაკავება შესძლო.